School leave (03-12-2024): இன்று (செவ்வாய்க்கிழமை) எந்தெந்த மாவட்டங்களில் பள்ளி, கல்லூரிகளுக்கு விடுமுறை..? வெளியான அறிவிப்பு!

school leave: கனமழை எச்சரிக்கை காரணமாக நாளை (செவ்வாய்க்கிழமை) பள்ளி, கல்லூரிகளுக்கு விடுமுறை அளிக்கப்பட்டுள்ளது.

நேற்று (01.12.2024) காலை வடதமிழகம் மற்றும் புதுச்சேரி பகுதிகளில் இருந்த ஃபெஞ்சல் புயல், மதியம் ஆழ்ந்த காற்றழுத்த தாழ்வு மண்டலமாகவும், மாலை நேரத்தில் காற்றழுத்த தாழ்வு மண்டலமாகவும் வலுக்குறைந்தது. இன்று காலை இது மேலும் வலுக்குறைந்து ஆழ்ந்த காற்றழுத்த தாழ்வு பகுதியாக வடதமிழக உள் பகுதிகளில் உள்ளது. வானிலை மையத்தின் தகவலின்படி, இது நாளை காலை தென்கிழக்கு மற்றும் மத்திய கிழக்கு அரபிக்கடல் பகுதிகளில் நிலவ வாய்ப்புள்ளது.

இன்று (02.12.2024), தமிழ்நாட்டின் பல பகுதிகள், புதுச்சேரி மற்றும் காரைக்கால் பகுதிகளில் இடியுடன் கூடிய லேசானது முதல் மிதமான மழை பெய்யக்கூடும். நீலகிரி மற்றும் கோயம்புத்தூர் மாவட்டத்தின் மலைப்பகுதிகளில் சில இடங்களில் கன முதல் மிக கனமழை பெய்யும், ஓரிரு இடங்களில் அதி கனமழையும் இருக்கலாம். கோயம்புத்தூர் சமவெளிப் பகுதிகள், திருப்பூர், தேனி, திண்டுக்கல் மற்றும் ஈரோடு மாவட்டங்களில் கன முதல் மிக கனமழை பெய்யும் வாய்ப்பும் உள்ளது. கிருஷ்ணகிரி, தருமபுரி, சேலம், நாமக்கல், கரூர், திருச்சி, பெரம்பலூர், மதுரை, விருதுநகர் மற்றும் தென்காசி மாவட்டங்களில் ஓரிரு இடங்களில் கனமழை பெய்யும் என வானிலை மையம் தெரிவித்துள்ளது.

Read Also >> ஆத்தூர் வாழப்பாடி வசிஷ்ட நதியில் வெள்ள அபாய எச்சரிக்கை – கரையோர மக்கள் பாதுகாப்பாக இருக்க அறிவுறுத்தல்

மேலும், நாளை (03.12.2024) கிருஷ்ணகிரி, தருமபுரி, சேலம், நாமக்கல், கரூர், ஈரோடு, நீலகிரி, கோயம்புத்தூர், திருப்பூர், திண்டுக்கல், தேனி, மதுரை, திருச்சி, பெரம்பலூர் மற்றும் திருப்பத்தூர் மாவட்டங்களில் சில இடங்களில் கனமழை பெய்ய வாய்ப்பு உள்ளது. கனமழை எச்சரிக்கையின் காரணமாக கடலூர் மற்றும் விழுப்புரம் மாவட்டங்களில் பள்ளி, கல்லூரிகளுக்கு நாளை (டிசம்பர் 3) School Leave விடுமுறை அறிவிக்கப்பட்டுள்ளது. கிருஷ்ணகிரியின் ஊத்தங்கரை மற்றும் போச்சம்பள்ளி வட்டங்களில் பள்ளிகளுக்கு மட்டும் விடுமுறை வழங்கப்பட்டுள்ளது. இதேபோல், திருவண்ணாமலை மற்றும் புதுச்சேரியிலும் நாளை பள்ளிகளுக்கு மட்டும் விடுமுறை அளிக்கப்பட்டுள்ளது.

கள்ளக்குறிச்சி மாவட்டத்தின் திருக்கோவிலூர் நகராட்சிக்குட்பட்ட பள்ளிகளுக்கு மட்டும் நாளை (03.12.2024) School Leave  விடுமுறை வழங்கப்படும் என மாவட்ட ஆட்சியர் எம். எஸ். பிரசாந்த் அறிவித்துள்ளார். கனமழை எச்சரிக்கையுடன் தொடர்புடைய பிற மாவட்டங்களிலும் தொடர்ந்து விடுமுறை அறிவிப்புகள் வெளியாகும் என எதிர்பார்க்கப்படுகிறது.